309
Сэтгэлд таагүй, зохисгүй харилцаанд удаан байж болохгүй.
Энэ нь амь баригч хийг хямрааж, бие, сэтгэлийн дархлааг сулруулж, цог золбоо, хийморь лундааг гундаана.
Ялангуяа хийрхэж ядарсан үедээ сэтгэлд тааламжгүй харилцаатай хүмүүсээс зайлсхийж, хол байж байгаарай.
Ядарч сульдсан үедээ аль болох сэтгэлд зохистой, зөв, өөдрөг үг яриа сонсож, харилцан ярилцаж, өөрт гэм халгүй, эелдэг зөөлөн зан авиртай хүмүүстэй ойр байх нь хийн хямралыг тэгшитгэхэд чухал сайн нөлөөтэй.
Хүн хэлээрээ, хүн хоорондын харилцаа “хэлээр” буюу харилцан яриагаар өрнөдөг. Гэр бүл, найз нөхөд, нийгмийн дунд, зөрөөд өнгөрөх хүнтэй хэдэн үг солихдоо ч хэлний нүглээс зайлсхийж байгаарай. Үүнд:
- Худлаа ярихгүй байх. Хэлсэн үг тань үнэн бөгөөд найдвартай байх
- Чалчаа яриагүй. Үг бүр тань бусдад хэрэгтэй, авууштай, мэдүүштэй, үнэ цэнтэй байх. Өөрийн болон бусдын үнэт цагийг үрэхгүй, товч тодорхой байх
- Хэрүүл хийхгүй. Яриандаа хэрэглэж байгаа үг хэллэг тань гүтгэсэн, доромжилсон, бүдүүлэг, эрээ цээргүй, балиар муухай бус. Зөв, яруу, оновчтой, сэтгэл тайтгаруулж, итгэл урам зориг төрүүлэм байх
- Хов ярихгүй байх. Яриандаа өөрийгөө дөвийлгөхгүй, бусдыг болон түүний ойр дотных нь хүмүүсийг хүндэтгэж, тэдний гэмийг нь уудлахгүй байх зарчмыг баримтлах хэрэгтэй.
Хэлний үйл зөв бөгөөд ариун байх нь өөрөө, бас эргэн тойрны хүмүүс, нийгэм амгалан тайван байж, аз жаргал дэлгэрэхийн чухал үндэс болно.
Илүү дэлгэрэнгүйг эндээс уншина уу.
