Эргэцүүлж суудаг хүнд эндүүрэл бага байдаг
Эмхэрч чамбайрдаг хүнд элэгдэл бага байдаг
Элгээ чимээлдэг хүнд эргэлзээ бага байдаг
Эрдмээ оршоодог хүнд элийрэл бага байдаг
Эхээ хайрладаг охинд зовлон бага байдаг
Эцгээ хүндэлдэг хүүд хяслан бага байдаг
Эрээ дээдэлдэг эмд нулимс бага байдаг
Эмээ биширдэг эрд нугарал бага байдаг
Эрээгээ хянадаг хүнд барцад бага байдаг
Эрхээ мэддэг хүнд хохирол бага байдаг
Эвийг хичээдэг хүнд ээдрээ бага байдаг
Энэрлийг түгээдэг хүнд эвэршээл бага байдаг
Эгцлэн зорьдог хүнд гацаа бага байдаг
Эгшиглэн дуулдаг хүнд гуниг бага байдаг
Эргэлдэн бүждэг хүнд хий бага байдаг
Эвийлэн хайрладаг хүнд хор бага байдаг даа!
Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.
Эх сурвалж: Б. Эрдэнэтуяа “БАГА БАЙДАГ”
