Орчлонгын сав шимийн дуулал Багш дор мөргөмүй Гэтэлж үл дуусах орчлонгын дөрвөн далай Хэсэж үл дуусах зургаан зүйлийн орон Гэнэдэж үл дуусах ертөнцийн гаслан Хилэгнэж үл дуусах урин сэтгэл Асарж үл дуусах үр садан
Алж үл дуусах өстөн дайсан Амраглаж үл дуусах тачаангүй сэтгэл Алагчилж үл дуусах дайсны сэтгэл Сэлгүүцэж үл дуусах ертөнцийн бие Шаналж үл дуусах ертөнцийн гомдол Шунаж үл дуусах ертөнцийн харам Шилбэлзэж үл дуусах омогт сэтгэл ээ
Хувирч үл дуусах ертөнцийн буурал Ховдоглож үл дуусах орчлонгын уурхай Хонжиж үл дуусах ертөнцийн идэш Хувьсаж үл дуусах атаат сэтгэл ээ Аргалж үл дуусах орчлонгын зальхай Атаархаж үл дуусах ертөнцийн тэмцэл Алгасаж үл дуусах ертөнцийн баримт Арилж үл дуусах сэжигт сэтгэл ээ
Төрж үл дуусах амьтны зэрэг Төөрч үл дуусах хий сүнс Түрдэж үл дуусах амь нас Түгэж үл дуусах хар сэтгэл ээ Гасалж үл дуусах орчлонгын зовлон Ханаж үл дуусах ертөнцийн хүсэл Хаширч үл дуусах орчлонгийн явдал Хамавч үл мохох орчлонгын олз
Үхэвч үл орхих үйлийн үр Үгүйрэвч үл орхих өр төлөөс Өтлөвч үл арилах муу авъяас Өлбөрөвч үл орхих олон санаа Хайрлавч үл мөнхрөх амь бие Ханилавч үл дагах янаг амраг Харамлавч үл эзлэх эд мал Гайхуулавч хамт үл одох нэр цол оо Үхэвч үл шингэрэх хүр их ертөнц Үзэвч үл ажрах алиа орчлон Өтлөвч үл хэрсүүжих зөнөг ертөнц Өгүүлэвч үл сонсох орчлонгын дүлий амьтан аа
Ширгэж үл дуусах төрөхийн далай Шаналж үл дуусах өвчний далай Шимэгдэж үл дуусах өтлөхийн далай Шингэрч үл дуусах үхэхийн далай Нүүж үл дуусах огторгуйн үүл Нөгчиж үл дуусах орчлонгын амьтан Олон эд мал эрэхийн зовлон Олсноо харамлан хадгалахын зовлон Ураг садан,амаргаас хагацхын зовлон Өсөт дайсан лугаа учрахын зовлон Сөгдөвч үл буцах үхлийх эзэн Сөргөж үл болох эрлэгийн засаг Сөнөөж үл болох тамын гал Сүйтгэж үл болох хилэнцийн үндэс ээ
Бэрх үхлийн эзэн ирэх цагт Баялаг, эд малаар сольж үл болох Баатар омгоор алалдаж үл болох Билигт үгээр цэцэрхэж үл болох Гэнэт хэзээ юугүй маргааш үхвээс Гэнэлт муу заяаны салхинд Хийсэн одож унахын урьд Гэнэдэл үгүй ном буяныг үйлдээ Орилон дуулсан үгийг минь Орхил үгүй сайтар сонсогтун, та нар
Уушиг зүрх ээ хөдөлгөн айна уу , та Олон бүгд үл мөнхрөхийг мэдэв үү , та Энэ мэт зүрхэн үгүй ёсыг мэдэв үү , та Элмэрсэн номгүй мунхагууд сонсвоос Эгэл сүжиггүй сэтгэлтэн ухваас Эрэмшин ташууралгүй ном буяныг үйлдээ
Сургах буянт үйлийг мэдэв үү Солиорч суугч мунхагууд сонсвоос Согтуу мэт сэтгэлтэн ухваас Сүсэглэн аль чадхаар ном буяныг үйлдээ
Үүнээс хойш эрдэнэт хүний биеийг олвоос Эрэвч олох бэрх , хэрэв оловч Ийм сайн номын шажин лугаа Ийн бас дахин учрах бэрх ээ Эргэцүүлж санаад буян номыг үйлдвээс Энэ ертөнцөд алдар нэр дуурсаж Эцэс хойд ертөнцөд ашид дуурсаж Эрдэмтэн мэргэдэд шүтэж ном буян үйлд
Ном буян мэдэгчдэд дурьтадгал Буруу зөвийг ялагчдад сануулга Бусад нүглийг үйлдэгчдэд сургаал Бурханы зарлигийг сонсогчдод чихний чимэг ээ Бас бас төрөн үхэн эвдрэгч Барагдашгүй зовлонт орчлонгийн Байх ахуй ёсыг энэ төдийхөнБадаг шүлгүүдийг Жавзандамба Хутагт холбон дуулвай.
