Монгол хүн амны билгээрээ. Үг гэдэг санааны зоргоор урсгаад байх хий хоосон авиа биш. Бидний амьдрал, хувь тавиланг ч өөрчилж чадах хүчтэй энерги юм.
Хүний амнаас гарч буй үгс нь өөрөө энергийн бөөгнөрөл үүсгэдэг. Тиймээс нэг үгийг хэдий чинээ олон хэлнэ төдий чинээ энерги нь ихсэн, хүчтэй болж, улмаар биеллээ олж байдаг.
Эрт үед манжийн хаан Амарбаясгалант хийдийг бариулах болж уг барилгын ажлыг гүйцэтгэх үүргийг манж амбан нарт даалгаж гэнэ. Гэтэл тэрхүү том сүмийг барьж дуусангуут л нурж унаад байж. Манжийн хаан амбан бүрээс л тэр сүм баригдсан уу гэхэд тэд бүгд л үгүй гэж хэлээд цаазлуулдаг байж.
Ингэсээр 7 амбаны толгой авчээ. Харин найм дахь амбанаар монгол хүнийг томилж гэнэ. Удалгүй манжийн хаан шинэ амбаныг дуудаж өнөө сүм баригдаж дуусав уу гэж асуув. Монгол амбан тийм гэсэн ч толгойгүй, үгүй гэсэн ч толгойгүй юм чинь гэж бодоод, тийм ээ баригдаж дууссан гэж хэлж гэнэ.
Манжийн хаан элчээ илгээн шалгахад сүм баригдаж дууссан бөгөөд дахин нураагүй байсан гэнэ. Монгол амбан ч өөрөө хайхаж хоцорчээ. Монгол хүний үгийн хүч эрчим ийнхүү биелэлээ олжээ. Үүнээс хойш “монгол хүн амны билгээрээ” гэх үг гарчээ. Үгний хүч арвин.
Хариуцлагаа хүлээж ав, зугтах хэрэггүй. Муу үйлийн үрийг анагаах гол алхам бол та ямар нөхцөлд байгаагаас үл хамааран хариуцлага хүлээх явдал юм. Заримдаа амьдрал шударга бус байж болох бөгөөд бидний хяналтаас гадуурх хүчнүүд бидний амьдралыг захирч байдаг.
Гэхдээ үүнээс үл хамааран бид өөрсдийн амьдрал, үйлийн үрийнхээ төлөө цорын ганц хариуцлага хүлээдэг. Хүлээн авах нь анагаах үйл явцыг хөдөлгөж, үйлийн үртэйгээ харьцаж эхлэхийн тулд биднийг илүү сайн байрлалд оруулдаг зүйл юм.
Хэн нэгэн таныг гомдоосон бол тэр хүнийг шийтгэдэг хүн нь та биш юм. Хэрвээ та шийтгэвэл танд ертөнцийн хууль үйлчлэх болно. Аливаа зүйл шалтгаантай байдаг. Тэр шалтгааныг ертөнц буюу үйлийн үр зохируулдаг. Бидний амьдрал дахь бүх зүйл үйлийн үрийн хуулийн дагуу явагддаг.
Өнгөрсөнд хийсэн бүхэн үр дүнгээ үйлийн үр хэлбэрээр бий болгосон тул энэ нь бидний амьдралд яг одоо өрнөж байна. Яг одоо та өнгөрсөн үйлийн үрээр одоо оршиж байна. Гэсэн хэдий ч үр дагаврыг урьдчилан тодорхойлсон ч энэ нь бидний амьдрал урьдаас тодорхойлогдсон гэсэн үг биш юм.
Бидний амьдралыг төлөвшүүлэхэд чухал үүрэг гүйцэтгэдэг зүйл бол бидний үйлийн үртэй харьцах явдал юм. Бид үүнийг илүү эелдэг байдлаар хийх эсвэл сөрөг үйлийн үрээ өөрт ашигтайгаар эргүүлж сурах хэрэгтэй. Сөрөг болон бусад шинэ үйлийн үрийг хуримтлуулахаа зогсоох хэрэгтэй.
Яг одоо та ямар байна, түүндээ сэтгэл хангалуун бай. Тухайлбал та байртай бол байрандаа сэтгэл хангалуун бай.
Машинтай бол машиндаа сэтгэл хангалуун бай. Гэр бүлтэй бол гэр бүлдээ сэтгэл хангалуун бай. Илүү их хүсэл, шунал нь сөрөг бөгөөд үйлийн үрийг нэмж байдаг. Сэтгэл хангалуун байснаар л дараагийн боломж завшаан нээгддэг байна.
Хэрэглээ нэмэгдэх тусам үйлийн үр нэмэгдэж байдаг. Аливаа зүйл энгийн байх тусам үйлийн үр багасч байдаг. Идэж уух, өмсч зүүх хэрэглээ тань энгийн бол өвчин, асуудал ч танаас хол байх болно. Үйлийн үр нь дангаар оршдоггүй. Бүхэллэг чанартай.
Таны хийсэн үйлийг та ойр дотны хүмүүстээ өгч байдаг. Учир нь гэр бүл гэдэг энергийн хувьд нэгдмэл оршдог. Гэр бүлийн хос хоёр хамтдаа үйлийн үрээ хуваалцаж байдаг. Энд сайн, муу аль аль нь хамаарна. Муу үйлийн үрийн үндсэн шалтгааныг ол.
Бид үйлийн үрийнхээ төлөө бүрэн хариуцлага хүлээхэд бэлэн байх үед бид үйлийн үрээ бүтээгч гэдгээ ойлгох болно. Бид муу үйлийн үрийг мэдрэх үед түүний үндэс нь бидний дотор, бидний өнгөрсөн зан үйлийн гүнд байдаг.
Тэд бидний дотор оршдог дайснууд эсвэл саад бэрхшээлүүд бөгөөд сөрөг үйлийн үрийг бий болгодог.
Сайн дурын үйл, хүсэл эрмэлзэлээрээ бид дотоод дайснууд болон аливаа саад бэрхшээлийг устгаж чадна.
Сөрөг харилцаа холбоо, нөхцөл байдлыг арилгах. Бид энэ амьдарч байх хугацаандаа харилцаа холбооноос өөрийгөө олдог. Сөрөг хандлагатай харилцаа холбоог зүгээр л тавьж явуулах хэрэгтэй. Аливаа зүйлийг хүчилснээр илүү дорддог.
Уучлал гуйж, бусад хүмүүсийг уучлаарай. Заримдаа хэн нэгэн биднийг доромжлоод байгааг мэдэрснээс болж уур уцаар хилэнд автддаг. Бид хэн нэгэнд эсвэл ямар нэгэн зүйлд муу мэдрэмж төрүүлж байгаа л бол сөрөг үйлийн үр, муу энергийг өөртөө татаж байдаг байна.
Үүнийг анагаахын тулд үзэн ядалт, уур хилэнгээ орхих хэрэгтэй. Өөрийн доторх цэвэр ариун нандин савыг бохир зүйлээр дүүргэх хэрэггүй. Хүн ер нь дотроо илүү тайван амгалан байх нь чухал юм. Бусдыг уучилж өөрийгөө эрх чөлөөтэй байлгаарай.
Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.
Эх сурвалж: neguusel.com
