Home » Сайхан сэтгэлээ хэзээ ч бүү алдаарай! Саруул ухаанаар өөрийгөө чимж Сайхан бодлоор өөрийгөө гэрэлтүүлээрэй Яг одоо танд бүх зүйлс байгааг мэдэр

Сайхан сэтгэлээ хэзээ ч бүү алдаарай! Саруул ухаанаар өөрийгөө чимж Сайхан бодлоор өөрийгөө гэрэлтүүлээрэй Яг одоо танд бүх зүйлс байгааг мэдэр

by Aurora

Яг одоо танд байгаа эрх чөлөөг мэдэр…Өөрт байгаа эрх чөлөөгөө бүрэн дүүрэн ашигла. Сурах мэдэх зүйлээ амжиж үз. Бие бялдараа хөгжүүлж эрүүл бай. Бусдад инээмсэглэл бэлэглэн тэдэнд тусал. Хорвоогийн сайхныг харж баяр баясгалангаар сэтгэлээ ариусгахын сацуу байгаль дэлхийгээ хайрлаж мод тарь. Хог бүү тарь.

 

Ердөө л хажууд чинь байгаа зүйлээ цэвэрлэхдээ ч эрх чөлөөг мэдэрч болно. Хэн нэгний дарамт шахалтаар биш, өөрийн хүслээр, орчноо сайхан болгож байгаадаа, түүнээсээ эрч хүч авч байгаадаа баярлаж эрх чөлөөгөө мэдэр. Сэтгэлд чинь байгаа өөдрөг гэгээлэг бодол санаагаа бичиж түгээж эрх чөлөөг мэдэр.

Хорт үг хуурмаг үзэлд хямарч гундалгүй, сэтгэл зүрхээ сонсож эрх чөлөөг мэдэр. Хорвоогийн ямар ч зүйл хорьж үл дийлэх сайн сайхан гэрэл гэгээ рүү тэмүүлэх хүсэл мөрөөдлөөрөө эрх чөлөөг мэдэр. Чамайг хязгаарлагч эргэлзээ, үл итгэх байдал, айдсыг март.

Тэдэнд бүү дарлуул. Дотоод гэрлээ бадруул, харанхуйг өдөр мэт гийгүүл. Хүн байх Эрх чөлөөгөө мэдэр, хүн байх хугацаандаа амжиж…

 

Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.

Уламжлалт анагаах ухааны эмч Намхайдоржийн Цогтмандах

You may also like

Leave a Comment

main

@2022 – Зохиогчийн эрх хуулиар хамгаалагдсан.

Хуулах хориотой!