Home » Хэрэв та эрүүл хүн бол гэдэснээс салах л хэрэгтэй…Гадна төрхөө сайхан байлгахын тулд дотоод ариун цэврээ сахих хэрэгтэй

Хэрэв та эрүүл хүн бол гэдэснээс салах л хэрэгтэй…Гадна төрхөө сайхан байлгахын тулд дотоод ариун цэврээ сахих хэрэгтэй

by Aurora

Гэдэс гүзээ ихтэй байх нь моодноос гарсан шүү. Хэрэв чи эрүүл хүн бол тэрнээс салах хэрэгтэй. Үүний тулд Gym-д яваад гэдэсний булчингаа хөгжүүлэх нь хангалттай биш.

 

Дотор өөхийг шатаахын тулд хамаг бие халж хөлс урсгасан тийм л хөдөлгөөн, идэвхтэй байдал хэрэгтэй. Кардио ч юм уу. Гэхдээ нэг асуудал бол залхуурал, биеэ тав тухгүй байлгахаас зайлсхийх ухамсар далдхан төрдөг. Өөрөөр хэлбэл далд стресс үүсдэг. Үүнийг давах арга нь өөрийн дуртай хөдөлгөөнт тоглоом тоглох юм. Сагс, волейбол, теннис гэх мэт.

Эдгээрт дургүй хүмүүст хамгийн сайхан сонголт бол бүжгийн сургалтанд явах. Бүжиглэх нь тураахаас гадна сэтгэл гутралын сайн засал болж чаддаг. Өөх задрах буюу “хайлж” байх үед нь ус сайн уух хэрэгтэй. Учир нь ус тэр процесст зайлшгүй шаардлагатай байдаг.

Мэдээж хооллолтоо анхаарахгүй бол гүзээнээс салахгүй. Хэтрүүлэн идэх зуршилд бид бүгд л автсан байгаа. Бас цагаан гурил, гурилан бүтээгдэхүүний хэрэглээг багасгах, чадвал 100 хувь зогсоох хэрэгтэй. Оронд нь бүхэл үрийн гурил, арвайн гурил хэрэглэ. Чихэрлэг хүнсийг зүгээр л март, хэрвээ эрүүл мэнд, гуалиг биетэй байхыг хүсвэл.

 

Маш олон бүтээгдэхүүнд сахар маш ихээр агуулагдсан байдаг. Иогурт, бүх төрлийн ундаа, бүх төрлийн гурилан бүтээгдэхүүнд. Бас гадны бяслаг (сыр) зэрэг нь гэдсэнд маш удаан үлдэж хоцордог хиймэл бодисоор дүүрэн байдаг. Дотоодын эрүүл бяслаг бол асуудалгүй.

Нэмээд хэлэхэд нарийн бүдүүн гэдсэнд олон жил хуримтлагдсан цагаан гурилын цавуулаг зэргээс үүссэн хана, давхарга бохирдолд хортой бактери, мөөгөнцрийн колони үүсчихсэн байдаг. Тэдгээрийг цэвэрлэж зайлуулах үр дүнтэй аргууд манай уламжлалт анагаах ухаанд туулгах цэвэрлэх аргууд байдаг шүү. Гадна төрхөө сайхан байлгахын тулд дотоод ариун цэврээ сахих хэрэгтэй шүү.

 

Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.

Уламжлалт анагаах ухааны эмч Намхайдоржийн Цогтмандах

You may also like

Leave a Comment

main

@2022 – Зохиогчийн эрх хуулиар хамгаалагдсан.

Хуулах хориотой!