Оройн цагаар хүн унтах ёстой цагтаа унтахаар хэвтэхгүй аваас түүний бие организмд ачаалал үүсдэг. Ингэснээр ой санамж, төвлөрөх чадвар мууддаг. Ертөнцийг тод томруунаар хүлээн авах чадамж мууддаг, амьдралын өнгө үзэмж бүдгэрч эхлэдэг, амрах чадамж хүчтэй сулрах ба алдагддаг.
Үүний үр дүнд тамхи татах зуршил бий болно, кофе уух, алкоголь уух зуршил бий болно. Яагаад хүн оройтож унтдаг вэ? Яагаад гэвэл тэр амарч чадахгүй ямар нэг зүйлийг хийхийг хүсч байдгаас тэр юм. Яагаад тэр вэ? Яагаад гэвэл тэрээр өөрийн хөдөлмөрийн үр дүнд хүчтэй татагдаж буйгаас тэр юм.
…Ухаалаг амьдрал гэдэг нь өөрийгөө ямар нэг зүйл хийхийг албадан шахахыг хэлдэг ба харин ердөө хүссэн зүйлээ хийхэд биш. Хүн эрт унтахаар хэвтэх ёстой ба эрт босох ёстой. Ингэх нь зөв амьдарч буй явдал юм. Энэ нь аз жаргалыг авч ирдэг.
Оройн цагт нүглийн хүч хүчтэй нэмэгддэг. Ийм учраас элдэв тэнэг зүйлүүдийг хийж байснаас эртхэн унтахаар хэвтсэн нь илүү дээр. Харин өглөөний цагт буянлаг сайн сайхны хүч үйлчилж байдаг. Ийм учраас өглөө эртхэн босоод ямар нэг сайн зүйлийг хийх нь илүү дээр.
Жишээ нь залбирал унших. Өглөөгүүр өөр юу ч хийх билээ? .. Бүгд унтаж байгаа шүү дээ.. Өглөөн цаг бол залбирал мөргөл уншихад зориулагдсан цаг юм. Эрт босдог ямар ч хүн аажмаар өөрийн Хувь тавилангаа ялан дийлдэг.
Өглөө эртийн 4-өөс 6 цаг нь Бурханд харьяалагддаг.
Энэ цаг мөчид хүн өмнөө Ариун гэгээн хүний зураг тавиад, залбирал мөргөл үйлдэх хэрэгтэй. Ядаж л 15 минут. Өөрийнхөө боломжоор. Гэвч энэ цаг нь залбирал мөргөлийн цаг гэдгийг санах хэрэгтэй. Энэ цаг мөчид л хүн өөрийн Хувь тавилангаа ялан дийлдэг.
Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.
Эх сурвалж: Аюурведийн эмч, сэтгэл зүйч Олег Торсуновын “Хувь тавилангаа ялахуй” лекцээс
