Хэлбэл хэлсэн шиг хэлж Хийвэл хийсэн шиг хийж Хайрлавал хайрласан шиг хайрлаж Ханилбал ханилсан шиг ханилж
Зорьвол зорьсон шиг зорьж Зүтгэвэл зүтгэсэн шиг зүтгэж Залбирвал залбирсан шиг залбирч Засарвал засарсан шиг засарч За гэвэл ёогүй
Зам нийлвэл худалгүй Зорилго нийлвэл атаагүй Зовлонд унавал өшөөгүй Өгье гэвэл харамгүй Өршөөе гэвэл эргэцэлгүй Авъя гэвэл чамлалгүй Ачилъя гэвэл нэхэлгүй Хүртье гэвэл шуналгүй Хүрье гэвэл шантралгүй Жаргая гэвэл нүгэлгүй
Жавхалзъя гэвэл залхуугүй Зовлонд даацтай үнэн явбал Золтой явах нь гарцаагүй дээ Зориг шулуун тууштай явбал Зоргоор дэлгэрэх нь дамжиггүй дээ Жаварт тэсвэртэй чин явбал Жанлав хүртэх нь баараггүй дээ Жаргалд нуруутай цэх явбал Жамаараа дэвжих нь маргаангүй дээ!
Эх сурвалж: Б. Эрдэнэтуяа /Жаргая гэвээс…/
