Ямх чимхийн зайтай үнэн худал нь оршдог Яруу буурал хорвоод айлчин төдий тавилантай Ядрах задрахын алинд ч мөс чанар нь танигддаг Ялгуун хөх тэнгэрийн бүтээл, та бидэн хүн юм шүү. Үүлэн байвчиг наран жаргаж манддаг нь үнэн.
Үндэс нь байваас цэцэг ундаалж ургадаг нь үнэн. Үхэх төрөхийн зарлиг хахууль авдаггүй нь үнэн. Үргэлжлэл болсон үрс минь орчлонд үлдэх нь үнэн. Эдийн сайнаар туйллаа ч хожмын өдрийг мартамгүй Эрлэг дэнслэх цагт алтаар булавч ялгаагүй Эзэн юм шиг тухлаад эргэж морддог тавилантай. Эргүүлэгт цэнхэр хорвоогийн зочин гэдгээ бүү март аа.
Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.
Эх сурвалж: С.Шүрэнцэцэг Бүү март
