Бидний хэд нь байнгын шүүмжлэлээс залхаж, ямар нэгэн магтаал бидэнд сайн зүйл хийх мэт санагддаг бол? Гэхдээ хүлээн зөвшөөрөгдөх үед бидний ихэнх нь үүнийг хүлээн авахад бэлэн байдаггүй. Хайр, эерэг байдлыг хүлээн авах нь бидэнд хэцүү байх ёсгүй. Аз жаргал, элбэг дэлбэг байдал бол бидний сүнс байх ёстой байгалийн нөхцөл юм. Гэсэн хэдий ч бидний олонхын хувьд энэ нь тийм ч хялбар биш байдаг.
Та өөрийгөө үзэн ядах нөхцөлтэй тулгарч байсан уу? Та магтаал сайшаал хэлдэг муу хүмүүсийн дунд ордог уу? Хэн нэгэн таныг үнэлэх болгонд та үүнийг хүртэх ёсгүй гэж боддог уу? Хэрвээ танд ийм зүйл байдаг бол товчхондоо та хайр, энэрэлийн эерэг энергид сэтгэлээ хаасан байна.
Энэ нь та өөрийгөө үнэлэх чадвар багатай байх магадлалтайг харуулна. Таны өмнө тулгарч байсан бүтэлгүйтэл эсвэл байнгын шүүмжлэл нь танд эрүүл бус хэв маягийг бий болгодог. Та өөрийгөө хангалттай сайн биш гэдэгт гүнээ итгэж. Өөрийгөө үзэн ядаж, алдаа дутагдал дээрээ анхаарлаа хандуулж, өөртөө буй хамгийн сайн сайхныг хүлээн авахгүй байх тусам жинхэнэ утгаар нь ирж буй аливаа сайн сайшаалыг үгүйсгэх хандлагатай болдог.
Та өнөөдөр сэтгэлээ ариусгаж, бүх алдаа дутагдалтайгаа хамт өөрийгөө бүхэлд нь хайрлах аз жаргалыг сэрээж чадна. Өөрийгөө хайрлах хайрыг нээх олон арга бий. Хүн бүрийн хувьд өөр өөр техник тусалдаг. Гэсэн хэдий ч дараах хоёр зөвлөмжид анхаар.
–Эмх замбараагүй байдлыг арилга. Tidying Up With Marie Kondo буюу “Мэри Кондогийн хамт гэрээ цэгцэлцгээе” реалити шоугаараа дамжуулан олон хүмүүст эмх цэгцийг сурталчилж буй нэгэн. Тэрбээр эмх цэгц бий болгох амьдралын хэв маяг боловсруулсан бөгөөд үүнийгээ “Конмари” хэмээн нэрийдсэн байна. Үгийн утга нь Кондо Мари гэх нэрнийх нь товчлол аж.
Энэхүү үзлийн гол философи нь тухайн зүйл танд баяр баясгалан, дулаан, эерэг мэдрэмж төрүүлээгүй бол хаях ёстой гэх суртахуун юм. Эмх цэгц хүний сэтгэл зүй, амжилт, аз жаргалд шууд нөлөө үзүүлдэг бөгөөд хосын харилцааг ч шинэ шатанд гаргадаг гэнэ.
-Хугацаа бус үр дүн чухал. Өрөөгөө эмх цэгцтэй болохын тулд түр эмх замбараагүй болоход гэмгүй. Залуу хосууд, бага насны хүүхэдтэй айл, ганц бие бүсгүй хүний эд зүйлдээ хандах хандлага, хадгалсан эд хогшил нь харилцан адилгүй учир цэгцлэх хугацаа нь ч өөр өөр байдаг. Магадгүй бүх зүйлээ эмхлэхийн тулд 1-2 сар ч болж мэднэ. Энэ тийм ч чухал биш. Хамгийн гол нь төгс цэгцэртэл нь хаяж, ангилах хэрэгтэй.
Эмхэлж цэгцэлхүйн 6 дүрэм
Мэри Кондо эмх цэгцтэй амьдралын зөвлөхөөр ажиллах явцдаа эмхэлж цэгцлэх зургаан дүрмийг боловсруулжээ. Үүнд:
- Эмхэлж цэгцлэхийг өөртөө даатга
- Өөрийн мөрөөдлийн амьдралын хэв маягийг төсөөл
- Эхлээд хаяж дуусга
- Юмсыг байршлаар нь бус төрөлжүүлэх замаар цэгцэл
- Дарааллыг зөв дагаж мөрд
- Энэ зүйл үнэхээр миний сэтгэлийг догдлуулж байна уу” гэж асуу.
Хэрэгцээгүй бүхнээ зоригтой хая. Жижигхэн ч гэсэн танд баяр хөөр авчирдаг зүйлсийн талаар бод. Магадгүй энэ нь гөлгөө тэврэх, дуртай хувцсаа өмсөх, таалагддаг стилиэрээ үсээ янзлах байж болно. Үүнийг юмсаа эмхэлж цэгцлэх, төрөлжүүлж ялгах явцдаа олж мэдрэх ёстой Мари Кондогийн хэлээд буй мэдрэмж юм. Барьж, хүрч үзэх нь үүний нэг хэсэг.
Хэрэв та хувцсаа барьж байх даа үүнийг өмсөөд хичнээн сайхан харагддаг тухайгаа бодож, баяр баясал төрж байвал авч үлдэх нь зүйтэй. Харин өмсөхөд сайхан таардаггүй, өнгө нь таны арьсны өнгөтэй зохицдоггүй бол зоригтой хая. Энэ аргыг зөвхөн хувцсан дээр ч биш тоглоом, гал тогооны хэрэгсэл зэрэг гэрт байгаа бүхий л эд хогшлыг ангилж, ялгахад ашигла.
– Эхлээд хувцсаа цэгцэл. Эмх цэгцтэй амьдралын эксперт хувцаснаасаа эхэлж цэгцлэхийг зөвлөж байна. Дараа нь жижиг хэрэгслүүд, бичиг баримтууд, ном, хамгийн сүүлд өөрт нандин зүйлс гэсэн дарааллын дагуу янзлаарай.
Харин хувцсаа ангилахдаа гэр бүлийн бүх гишүүд хувцсаа нэг дор овоолж, гэртээ байгаа бүх хувцсаа нэг дор харах боломжтой болго. Ихэнх гэр бүл хичнээн их хувцастайгаа мэдээд хайхаж хоцордог. Үүний дараа алийг нь авч үлдэх, алийг нь хандивлах, хаяхаа шийдээрэй.
Бас нэгэн сонирхолтой судалгааг хүргэе. Эмэгтэй хүний энерги нь эмх замбараагүй байдлыг хариуцдаг бол эрэгтэй энерги нь эмх цэгц, логик, тууштай байдалд дуртай байдаг аж. Хэрэв таны амьдрал дахь бүх зүйлийг 6 сарын өмнө урьдчилан төлөвлөж, амьдралыг хамгийн бага нарийвчлалтайгаар төлөвлөсөн бол та бүх зүйлийг логик, эрүүл ухаанд үндэслэн хийх боломжтой.
Харин угаалтуур дүүрэн аяга, таваг, бохир зүйлс, шалан дээр хөглөрөх эд зүйлс, хураагаагүй хөнжил, дэрнүүд, хувцасны шүүгээний эмх цэгцгүй байдал, хаа сайгүй ашигладаггүй зүйлс байвал эмх цэгцгүй байдал үүсдэг. Олон хүн эмх замбараагүй байдлыг биет материаллаг зүйлтэй холбох гээд байдаг.
Гэвч оюун санаа, сэтгэлийн замбараагүй байдал нь түүнээс ч дутхааргүй орой зайг эзэлдэг. Энэ бол хортой харилцаа, муу зуршил болно. Эмх замбараагүй байдал нь хүний сайн сайхан төрхийг үгүй хийж байдаг. Өнгөрсөнд тохиолдсон харамсал, сорви, гомдлоо мартах гэж олон арга хэрэглэх хэрэгггүй ээ. Тэднийг гаргаж, магадгүй өдрийн тэмдэглэл хөтлөх замаар зоригтойгоор нүүр тулан, явуул. Та мөн тэдгээрийг цаасан дээр бичиж, шатааж болно.
Дахин хэлэхэд, бие махбодийн цэвэр орон зай нь сэтгэл хөдлөлийн хог хаягдлыг арилгахад тусалдаг. Тиймээс шүүгээний хувцасаа цэвэрлэ. Илүүдэл хувцсаа хандивлаж, хог хаягдлаа хаяж, гэрийнхээ энергийг чөлөөлөх хэрэгтэй.
Шүүгээндээ нэмэлт зай үүсгэж, таны сэтгэлд аз жаргал, өөрийгөө хайрлахын тулд нээж өгсөн орон зайг тусгаж өг. Өөртөө шинэ хувцас худалдан авах ч заримдаа сэтгэлд сайхан орон зай өгдөг. Гэхдээ олон зүйл худалдаж авахаас зайлсхий. Гэртээ эмх замбараагүй байдал үүсгэхээс зайлсхийн тухайн нөхцөлд шаардлагатай хэрэгцээтэй зүйлс л худалдаж аваарай. Дараа хэрэг болно гэж бодох хэрэггүй. Дэлгүүр хэсэх нь сэтгэл санааг өргөдөг ч ашиггүй худалдан авалт хийхэд хүргэж магад.
– Сэтгэлийг анагаах. Сэтгэл бол эрхтэн. Бидний сэтгэл маань бас өвдөж шаналж, гэмтдэг, зовдог. Сэтгэлийг анагаах хамгийн шилдэг эм бол өөрийгөө болон бусдыг хүрээлэн буй орчиндоо хайр хүндэтгэлтэй хандах юм. Хайр нь хязгааргүй олон өнгөтэйг та мэднэ.
Байгаль дэлхийдээ хүндэтгэлтэй хандах, настан бууралд асралтай хандах, нялх балчирыг өхөөрдөн баясан харах нь мөн л нэг сэтгэлийн илрэл байдаг. Сэтгэл гэдэг барих биегүй, харагдах зүйлгүй мөртлөө хүн бүхэн мэдэрч чаддаг байна.
Энэ эрхтэн маань бас бидэнд үл захирагдан өөрийн дураар аашилж, сэтгэлийн урсгалаа байнга өөртөө болон бусдад гаргаж байдаг. Тэрээр өөрийн гэсэн мэдрэх чадвартай. Тархи бол элдэв тооцоо анализ дээр үндэслэн шийдвэр гаргадаг бол сэтгэл сонгох замаа шууд л мэдэрдэг гэнэ. Огт танихгүй нэгэн яг л эртний танил дотно мэт санагдах.
Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.
Эх сурвалж: neguusel.com
