Албаа хааж байгаа мэт амьдралаа өнгөрөөж байгаа хүмүүс олон байна
Ажлаа хийж байгаа мэт амьдралаа өнгөрөөж байдаг хүмүүс олон байна
Ачаа бараа үүрсэн мэт амьдралаа өнгөрөөж байгаа хүмүүс ч олон байна
Авсан ялаа эдэлж байгаа мэт амьдралаа өнгөрөөж байгаа хүмүүс ч олон байна
Үүргээ биелүүлж байгаа мэт амьдралаа өнгөрөөж байгаа хүмүүс ч олон байна
Үйлийн үрээ барахын тулд амьдралаа өнгөрөөж байгаа хүмүүс ч олон байна
Юм юмтай болчих гээд зүтгээд яваа хүмүүс ч олон байна
Юуны төлөө амьдраад яваагаа мэдэхгүй хүмүүс ч олон байна
Нэг л сайхан жаргалтай болчих гээд зовоод яваа хүмүүс ч нэлээд байна
“Нээрээ би тэнэг байжээ” гээд харамсаж суугаа хүмүүс ч олон байна
Зорилгоос зорилго руу харайсаар завгүй явдаг хүмүүс ч олон байна
Зоос мөнгө хураах гэж насаараа зүтгэсэн хүмүүс ч олон байна
Алдар нэр горилон ,гомдолтой явдаг хүмүүс ч олон байна
Амжилт ялалтанд хүрсэн ч сэтгэл гутралтай хүмүүс олон байна
Харин:
Өөрийгөө олсон хүн хэр олон байдаг
Өөрийгөө таньсан хүн хэр олон байдаг юм бол доо
Өөртөө сэтгэл хангалуун байдаг хүн хэр олон байдаг юм бол доо
Өөрийгөө гэгээрүүлсэн хүн хэр олон байдаг юм бол доо?
Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.
Эх сурвалж: Үзмэрч Зурхайч С.Төмөрбаатар
