Аливаа зүйлийг эхлэхдээ эхлэлийг нь төгсгөлтэй нь хамт хар
Аяа тэгж чадвал та олон зүйлээс татгалзах болно
Учраад амраглаж байхдаа үзэн ядаад салахыгаа олж хар
Уулзаад дотносож байхдаа дайснууд болоод хагацахыгаа хар
Хүсэн дурлаж байхдаа уйдаад залхахыгаа олж хар
Хүлээн сууж байхдаа амьдралынхаа ирээдүйг олж хар
Аливаа зүйл рүү орохдоо эхлэлийг нь төгсгөлтэй хамт хар
Аяа тэгж чадвал та олон зүйлд эргэлзэн бодож тунгаах олно
Хураан цуглуулж байхдаа орхиод одохыгоо олж хар
Х*ндагалаад ууж байхдаа с*гтоод унахыгаа олж хар
Итгээд найдаж байхдаа хууртаад хохирохыгоо хар
Ижилсээд дасаж байхдаа хаягдаад хоцрохыгоо олж хар
Аливаа зүйлийг үйлдэхээсээ өмнө эхлэлийг нь төгсгөлтэй нь хамт хар
Аяа тэгж чадвал та олон зүйлээс сэргийлэх болно
Авах гээд шунаж байхдаа удахгүй уйдахаа олж хар
Ашигтай гээд хөөцөлдөж байхдаа хожим нь харамсахыгаа олж хар
Оргил өөд мацаж явахдаа буцаад буух замаа олж хар
Одоо хийж байгаа үйлийнхээ үр дагаврыг нь олж хар
Аливаа юманд дурлахдаа эхлэлийг нь төгсгөлтэй хамт хар
Аяа тэгж чадвал та олон юмыг хаяж орхих болно
Эх сурвалж: Үзмэрч Зурхайч С.Төмөрбаатар
