Том ширхэгтэй давс бол зөвхөн далд шидийн зүйл биш юм. Шинжлэх ухааны үүднээс том ширхэгтэй давсны (уулын юмуу далайн давс) чичиргээний давтамж 728 тгрц (Тера-герц), долгионы урт нь 415 нм (нанометр) байдаг. Эдгээр нь 668-789 тргц давтамжтай, 380с 450 нм долгионы урттай нил ягаан өнгөтэй ижил шинж чанарууд юм.
Тиймээс том ширхэгтэй давс нь нил ягаан долгионтой адил нөлөө үзүүлдэг бөгөөд сөрөг цахилгаан соронзон орныг саармагжуулах чадвартай. Том ширхэгтэй давс мөн хүчтэй өрөө цэвэршүүлэгч гэж тооцогддог. Эртний хүмүүс муу нүд буюу хараалтай тэмцэх, байшинг сөрөг энергиэс хамгаалахдаа давс хэрэглэдэг байж. Энэ нь өнөөг хүртэл хэвээр үлдсэн байна.
Байшингийн булан тохойд өтгөрсөн энергиүд төвлөрөх хандлагатай байдаг тул том ширхэгтэй давс юмуу шилэн аягатай давстай ус нэмж тавьснаар эдгээр хүчүүд тэнцвэржиж, байшингийн энерги гэрэлтэж хөнгөрдөг. Олон хүн эргэлддэггүй дунд зэргийн өрөөнд нэг стакан давстай усыг хоёр буланд тавихад хангалттай. Хоёроос гурван өдрийн дараа та ялгааг харж болно. Бөмбөлөг үүсэх үед давсны уусмалыг шинэчлэх цаг болсон гэсэн үг.
Ус болон давсны уусмал нь агаар мандлаас эерэг ион болох цахилгаан энергийн хэсгүүдийг гаргаж авах, хүрээлэн буй орчны эрчим/энергийг тэнцвэржүүлэх чадвартай байдаг. Хэрүүл маргааны дараа юмуу унтлагын өрөөнд шөнөдөө уур амьсгал өөрчлөгдсөн мэт өчүүхэн мэдрэмж төрвөл ус давсаар цэвэрлэх энгийн дом хийгдэх ёстой, ингэснээр нойр үймүүлэгдэхгүй.
Хараал шившлэгээс өөрсдийгөө хамгаалах юм уу хүсээгүй зочдоос урьдчилан сэргийлэхийн тулд үүдний зүүн талд нэг шил давсны уусмал байрлуул. Үдэшлэг найрын дараа зочдын энергийг саармагжуулах, мөн өдөр тутмын хэрэглээндээ зориулж аяга тавгаа цэвэршүүлэхийн тулд чулуулаг давсаар угаана.
Өөр нэг уламжлал бол хэн нэгэн нүүж сууж буй бол байшинд орохын өмнө хийх эхний зүйл бол нэг аяга ус, нэг аяга давс тавих ёс юм. Энэ нь хямд төсөр, олдоход хялбар, мөн хүнд хэцүү, эрч хүч хомсдох цаг үед танд туслах болно!
Батламж үгс: Давс түмэн бодисын шидтэй.
Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.
Эх сурвалж: Орчуулсан Д.Энхжаргал
