180
Уйлмаар үедээ уйлж яваарай
Уйтгар чамаас сална
Гуньмаар үедээ гуньж байгаарай
Гутрал өөрөө зугтана
Дуулмаар үедээ дуулж суугаарай
Дундуурхан гуниг үргээд нисчихнэ
Дурламаар хүндээ дурлаж яваарай
Дандаа зүрх ганцаар цохилохгүй ээ
Хайрламаар байвал хайрлаж байгаарай
Хүний нас хүлээхгүй ээ биднийг
Хүссэн үедээ наргиж байгаарай
Харвасан цаг хугацаа эргэхгүй ээ
Уур бухимдлаар биеэ хороолгүй
Ухаан цэлмэг тэнүүн яваарай
Уршиг зовлонг урин дуудалгүй
Урагшлах замаа гэгээн байлгаарай
Зүрх зогсоогүй цагт
Зовлон гэж байдаггүй юм
Зөрүү , бурууг тэвчиж чадвал
Зөвхөн жаргал л тойрдог юм шүү
Эх сурвалж: Яруу найрагч О.Батболд Зүрх зогсоогүй цагт
