160
Эрхэм хүндэт уншигч Та бүхэндээ хаврын улиралд өглөөний цайндаа хэрэглэж болох тохиромжит хүнсийг хүргэж байна.
Хавар хуучирсан арвайг идэх идээний хувьд хамгийн тохимжтой. Иймд өглөөд арвайн гурилаар өлөө тайлж болно.
Орц:
- Ширгээсэн ус 1 стакан /200-250мл/
- 2 амны халбага арвайн гурил
- 1 цайны халбага зөгийн бал
- 1/2 цайны халбага шар тос /цөсний шартай хүмүүс хийхгүй байсан нь зүгээр учир нь цээж хорсоод байдаг./Хавар өглөөдөө энэ хялбар өглөөний цайг уугаад гараарай. /7 хоногт 3-с хэтрэхгүйг анхаарна уу/
Ач холбогдол:
- Ширгээсэн ус нь эмийн ус, хаврын ундаа, бадганыг хайлуулна
- Арвайн гурил нь өл тайлах дээд үр, хаврын идээ
- Зөгийн бал нь ходоодны бадган салсыг арилган, тэгшитгэх
- Шар тос нь шимжүүлэх, өглөө цөсний ялгаралтийг дэмжиж хийг тэгшитгэх үйлдэлтэй.
Иймд хавар:
Усны дээд: ШИРГЭЭСЭН УС
Идээний дээд: АРВАЙН ГУРИЛ
Явдал мөрийн дээд: ЯВГАН АЛХАХ
Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.
Эх сурвалж: УАУ-ы их эмч О.Очгэрэл
