Шар тос нь өрөмний шар, айрагны шар гэж хоёр янзын шар тос бий. Одоо цагт хий аривдсан хүмүүс их болжээ.
7 гаригийн эхний өдөр дөнгөж хайлсан хайлмагны шар тос нэг халбагыг хэлний доод хөх судсанд шингээн хүртэж бай. Тэгвэл хоолойн өвчин бамбай тархи зүрхний хий тэнцвэрждэг.
Өдөрт шагайн чинээ шар тос идэж сурвал зөнөглөх өвчнөөс бүрэн ангижирна. Монголын уламжлалт анагаах ухаанд “охь манлай” гэж нэрлэгдсэн шар тосыг тогтмол хэрэглэвэл:
- Зүрхний тамирыг сайжруулна.
- Уушигны хатингарлыг арилгана.
- Үс гэзэгний өнгийг сэргээж тэжээллэг болгоно.
- Зүс царайд өнгө нэмж, нүдийг гэрэлтүүлнэ.
- Хүйтэнд өлчир, халуунд халууцуулахгүй байлгана.
- Дотор эрхтэнүүдийг цохилт, доргилт хөдөлгөөнөөс хамгаална.
- Судасны хананд илүүдэл тос хуримтлагдаж судас хатуурахаас сэргийлнэ.
- Ясны сийрэгжилтээс хамгаална.
- Бэлгийн болон бөөрний булчирхайн гормоны алдагдлаас сэргийлнэ.
- Элэг өөхлөхөөс сэргийлнэ.
- Гэдэсний өөхийг арилгаж, биеийн жинг багасгахад сайнаар нөлөөлнө.
- Нүдний эмгэг, нүдний даралт, цус харвалтаас сэргийлнэ.
Шар тосонд агуулагдах фенолт антиоксидант нь дархлааг сайжруулдаг бол А, Е, D, K аминдэмүүд нь нүдний харааг сайжруулж, судасны уян хатан чанарыг дээшлүүлдэг, даралтыг тогтворжуулж, биенд хуримтлагдсан хортой нэгдлийг саармагжуулдаг.
Шар тос 160-190 хэмд тэсвэрлэх чадвартай тул мууддаггүй, удаан хадгалах боломжтой, исэлдлийн түвшин бага, хоол цай хийхэд тохиромжтой, хурдан шингэдэг тул хоол боловсруулалтанд сайн нөлөөтэй. Эрт үед уламжлалт анагаах ухаанд олон жил хадгалсан шар тосыг арьсны гүвдрүүг анагаахад ашигладаг байжээ.
Энэ нь нүд тархи мэдрэхүй сайхан амарч судасны нарийсал нүдний даралт бууж хараа сайжируулах тустай. Бид аливаа зүйлийг хэрэглэхдээ тунг нь тааруулдаггүй. Сайн гэхээр хэмжээг нь ихдүүлж хэрэглэдэг. Хүүхдийг багаас нь 7 хоног тутамд ядаж нэг удаа хумсын толион чинээ шар тос хэлний хөх судалд нь шингээлгэж сургаарай.
Чихний ард тэнцвэрийн булчирхай байрладаг. Хүйтэн хий хурахаараа бие таллан хөрдөг ядардаг тамирддаг. Паркетан шалнаас үүдэлтэй хөлийн ул янгинан даардаг хүмүүс хонины нэхийгээр улавч эсвэл оймс хийгээд өмсөөрэй. Унтахын өмнө бараан өнгийн даавуунд шингээсэн бүлээн шар тос хөлний нуманд байрлуулан ороогоод унтаарай . Хөлний улны нуманд бүх мэдрэлийн цэг, дархлааны цэг, 5 цул эрхтний цэг байдаг.
Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.
Эх сурвалж: Х. Жаргал
