Хүнийг жаргаах үгэнд л битгий гуйлгачин бай! Хүссэн хэрэгтэй үед нь үгийн сайхныг битгий харамлаж бай
Үг хүнд орчлонг бүхлээр нь шагнах ч байна Үг хүнээс орчлонг бүхлээр нь булаах ч байна Гурван үетэй тэнцэх нэг үе бий
Гурван оргил далдлах нэг сүмбэр бий Гучин жилтэй тэнцэх нэг хором бий Гучин ном орлох нэг өгүүлбэр бий Хэлээд хэлээд юу ч хэлэхгүй үгс бий Хэлээгүй дуугүй суухдаа үг хашгирах харц бий… Хүнийг жаргаах үгэнд битгий гуйлгачин бай.
Өвөг дээдэс минь “авах, гээхийн ухаантай явж ирсэн” ард түмэн билээ. Юуг авах, юуг авахгүй байх, юугаа хаях, юугаа хаяхгүй байхаа мэддэг байхыг авах гээхийн ухаан гэнэ. Аливаад авах гээхийн ухаанаар хандаж уншаарай. Танд талархлаа.
Эх сурвалж: Утга зохиолын доктор, Ардын уран зохиолч, “Азийн тэргүүн найрагч” Д.Урианхай
